কাজিৰঙাত চোৰাং চিকাৰীৰ ককালভঙা মানুহজনৰ বিষয়ে লিখিছোঁ৷ অকল আনন্দ মিশ্ৰৰ বিষয়ে জানিলেই নহ’ব, আমাৰ স্থানীয় দক্ষতাসম্পন্ন সাহসী আৰক্ষী বিষয়া সকলৰ বিষয়েও জানক সকলোৱে৷ ( Assamese Article )
চেলিব্ৰিটি আৰক্ষী বিষয়া বা প্ৰচাৰ বিচৰা আৰক্ষী বিষয়া নহয় এওঁ, এখেত সামাজিক মাধ্যমটো সক্ৰিয় নহয়, নীৰৱে কাম কৰি যোৱাই এখেতৰ ধৰ্ম৷
এখেতৰ নাম হ’ল পৰিদৰ্শক দেবেন বৰা৷ আপুনি হয়টো তেখেতৰ নাম শুনা নাই৷ কাৰণ তেওঁ এজন প্ৰচাৰ বিমুখ আৰক্ষী বিষয়া আৰু তেখেত IPS বা APS বিষয়া নহয়৷
পৰিদৰ্শক দেবেন বৰাই এটা সময়ত নগাঁও জিলাৰ কলিয়াবৰ মহকুমাৰ অন্তৰ্গত জখলবন্ধা থানাৰ ভাৰপ্ৰাপ্ত বিষয়া হিচাপে কাৰ্যনিৰ্বাহ কৰিছিল দীৰ্ঘসময়ৰ বাবে৷ চাৰি বছৰৰ ওপৰকাল তেওঁ জখলাবন্ধা থানাত কাৰ্যনিৰ্বাহ কৰিছিল ভাৰপ্ৰাপ্ত বিষয়া হিচাপে৷( Assamese Article )
যি সময়ত অসম তথা ভাৰত গৌৰব এশিঙীয়া গঁড়ৰ হত্যা ধৰাবাহিকভাৱে মিঞা চোৰাং চিকাৰীয়ে কৰিছিল, সেইসময়ত তেওঁ একান্ত প্ৰচেষ্টাৰে সীমিত সা-সুবিধাৰেই ৩৫০ টা গড় চিকাৰী আটক কৰি ৮ টা Ak 47 এচাল্ট ৰাইফল , ২২ টা .৩০৩ ৰাইফল চোৰাং চিকাৰীৰ পৰা উদ্ধাৰ কৰাৰ লগতে বহু কেইবাৰ গড় চিকাৰীক এমবুশ্ব কৰি হত্যা কৰাৰ লগতে আটক কৰিবলৈ সক্ষম হৈছিল৷ গড় চিকাৰী সকলৰ মাজত তেওঁ সন্ত্ৰাসৰ কাৰণ হৈ পৰিছিল৷
কিন্তু দুখৰ কথা, আমি অসমীয়া সকলেই তেওঁৰ বিষয়ে নাজানো, কাৰণ তেওঁ এটকাক দহ টকা সজাই মিডিয়াক হাতত ৰাখি গ্লেমাৰৰ পিছত দৌৰা নাছিল বা এতিয়াও দৌৰা নাই৷
প্ৰত্যেক জিলাতেই তেওঁৰ দৰে সৎ আৰু সাহসী আৰক্ষী বিষয়া আছে, যি সকলে তেওঁলোকৰ বিষয়ে জানে সকলোৱে তেওঁলোকৰ বিষয়ে লিখি তেওঁলোকক উৎসাহিত কৰক৷( Assamese Article )
-জন বৰা
তেজপুৰ৷
No comments:
Post a Comment