মহাবীৰ লাচিত বৰফুকনৰ ৪০০ বছৰীয়া জয়ন্তী বিস্তৃত আৰু বৰ্ণাঢ্য কাৰ্যসূচী অহা ২৩, ২৪ আৰু ২৫ নৱেম্বৰত নতুন দিল্লীৰ বিজ্ঞান ভৱনত অনুষ্ঠিত হ'ব। ( Assamese News )
২৩ নৱেম্বৰত মাননীয়া কেন্দ্ৰীয় বিত্তমন্ত্ৰী শ্ৰীমতী নিৰ্মলা সীতাৰমনে প্ৰদৰ্শনীৰ দ্বাৰ আনুষ্ঠানিকভাৱে মুকলি কৰিব৷ এই প্ৰদৰ্শনীখনত অসমৰ ২০০০ বছৰীয়া বৰ্ণাঢ্য ইতিহাসৰ লগতে ৬০০ বছৰীয়া আহোম ৰাজত্বকালক বিশেষভাৱে সন্নিৱিষ্ট কৰা হৈছে৷ মাননীয় কেন্দ্ৰীয় গৃহমন্ত্ৰী শ্ৰীঅমিত শ্বাহে ২৪ নৱেম্বৰৰ অনুষ্ঠানত অংশগ্ৰহণ কৰিব৷ অনুষ্ঠানটোত মহাবীৰ লাচিতৰ জীৱন আৰু কৰ্মৰাজি আধাৰিত এখন তথ্যচিত্ৰও প্ৰদৰ্শন কৰা হ'ব৷
আনহাতে মাননীয় প্ৰধানমন্ত্ৰী শ্ৰীনৰেন্দ্ৰ মোদীয়ে অংশগ্ৰহণ কৰিব ২৫ নৱেম্বৰৰ অনুষ্ঠানত৷ মাননীয় প্ৰধানমন্ত্ৰী ডাঙৰীয়াই অনুষ্ঠানত মহাবীৰগৰাকীৰ জীৱন সামৰি অসম চৰকাৰে ইংৰাজী ভাষাত প্ৰস্তুত কৰা এখন গ্ৰন্থও উন্মোচন কৰিব৷ ২৩ আৰু ২৪ নৱেম্বৰত দুখন আলোচনা-চক্ৰও অনুষ্ঠিত হ'ব, য'ত দেশৰ বহুকেইগৰাকী বৌদ্ধিক জগতৰ অগ্ৰণী ব্যক্তিয়ে অংশগ্ৰহণ কৰিব৷ তদুপৰি ২৬ নৱেম্বৰত পুণেস্থিত নেশ্যনেল ডিফেঞ্চ একাডেমীত আন এক অনুষ্ঠান অনুষ্ঠিত হ'ব ৷ এই অনুষ্ঠানতে একাডেমীৰ শ্ৰেষ্ঠ কেডেটগৰাকীক বীৰ লাচিত বৰফুকন বঁটা প্ৰদান কৰা হ'ব৷ হায়দৰাবাদস্থিত নেশ্যনেল পুলিচ একাডেমীত মহাবীৰ লাচিতৰ স্মৃতি ভৱন নিৰ্মাণৰ পৰিকল্পনাও ৰাজ্য চৰকাৰে গ্ৰহণ কৰিছে৷ ( Assamese News )
জনতা ভৱনস্থিত মুখ্যমন্ত্ৰীৰ সভাগৃহত এখন সংবাদ মেল সম্বোধন কৰি আজি এই কথা মুখ্যমন্ত্ৰী ড° হিমন্ত বিশ্ব শৰ্মাই সদৰী কৰিলে ৷ এই সংবাদমেলযোগে অহা ২৪ নৱেম্বৰত মহাবীৰগৰাকীৰ জয়ন্তীৰ সৈতে সংগতি ৰাখি সন্ধিয়া এগছি চাকি জ্বলাবলৈ ৰাজ্যবাসীক আহ্বান জনালে৷
সংবাদ মেলত মাননীয় সাংসদ শ্ৰীকামাখ্যা প্ৰসাদ তাছা, কাৰ্বি আংলং স্বায়ত্তশাসিত পৰিষদৰ মাননীয় মুখ্য কাৰ্যবাহী সদস্য শ্ৰীতুলিৰাম ৰংহাঙো উপস্থিত থাকে ৷
( Assamese News )
No comments:
Post a Comment