অভিমানেৰে ভৰা এটি প্ৰেম কাহিনী ( খণ্ড - ২ ) : Assamese Storyboard

         এদিন দুদিন কৰি ২৮ দিন হ'ল । দুদিন পিছতে আকাশ গুৱাহাটীলৈ আহিব আৰু আহিয়েই তাইৰ ঘৰত আহিব  ( Assamese Storyboard )। ইমান দিনৰ পাছত তাক পাব, আগতে এবাৰ আকাশ তাইৰ ঘৰত আহিছিল আৰু তাই ঘৰৰ সকলোৱে তাক ভাল পাইছিল ।

          অতি ভদ্ৰ-নম্ৰ । এতিয়া বা সি আগৰ দৰেই হৈ আছে নে ? ঘৰত বাৰু তাক গ্ৰহণ কৰিব নে ? বিভিন্ন চিন্তাই তাইক আৱৰি ধৰিলে । নিজকে সান্তনা দিলে যে সি মাথোঁ তাইৰ হ'ব । সি চাগে আজিয়েই গুৱাহাটী আহিব । বৃষ্টিয়ে তাক ফোন কৰিলে সি উত্তৰ নিদিলে । 

          অলপ পিছত সি নিজেই ফোন কৰিলে আৰু বৃষ্টিয়ে ভাৱিব নোৱাৰা কিছুমান কথা ক'লে ।

:: বৃষ্টি, মই গুৱাহাটী নাযাওঁ ।

:: কিন্তু কিয় ? আহিবলৈ নিদিয়ে নেকি অফিচৰ পৰা ?

:: দিছে, কিন্তু মই নাযাওঁ । তুমি মোৰ বাবে পাঁচবছৰ অপেক্ষা কৰিব লাগিব।

:: কিন্তু কিয় নাহা তুমি ?কৈছিলা ন আহিম বুলি ! মই অপেক্ষা কৰিম তোমাৰ বাবে, মাথো এবাৰ মোৰ ঘৰত আহি কৈ যোৱা তুমি মোক নিজৰ কৰি ল'ব খোজা । প্লিজ,,,,!!

:: নাযাওঁ মই, তুমি যদি মোৰ হ'ব খোজা অপেক্ষা কৰিবা ।মোৰ তাত থাকি কাম কৰাৰ মন নাই মই ইয়াতেই সুখী ।

:: কিন্তু আকাশ , মোৰ মা-দেউতাক মই কি উত্তৰ দিম ? যিজনে মোক ভালপায় তেওঁ মোৰ বাবে দুদিনৰ কাৰণে আহিব নোৱাৰিলে..?? মাথোঁ কৈছে তেওঁ মোক নিজৰ কৰি নিব ।

:: মই সেইবোৰ বুজি নাপাওঁ, তোমাৰ যি ইচ্ছা তাকেই কৰা । যদি অপেক্ষা কৰিব নোৱাৰা আনৰ হৈ যোৱা ।

:: আকাশ, শুনাচোন....

( সি ফোনটো কাটি দিলে )

          কি হ'ল আজি আকাশৰ ....! আগতে কেতিয়াও তাইক সি তেনেকৈ কোৱা নাছিল... কি ভুল কৰিলে তাই.... কিয় এনেকোৱা কৰিছে সি ....! ফোনটোও অফ কৰি দিলে সি । অভিমানী বৃষ্টিজনীৰ দুচকুৰ পানীৰে দুগাল সেমেকাই তুলিলে । ৰাতি অকলশৰে শুই থকা ছোৱালীজনী আজি মাকৰ ওচৰত শুই পৰিল বিষাদ মনেৰে....। তাই জানে মাকে তাইৰ দুখবোৰ বুজি পাব ।

:: মাজনী ! কি হ'ল আজি মোৰ ওচৰত আহিলা যে..?

:: নাই মা ! তোমাৰ কোলাত মূৰ থৈ এবাৰ শুব মন গৈছে অ'। (উচুপি উঠিল)

:: কি হ'ল অ' তোমাৰ ? কিয় কান্দিছা ? দেউতাই কিবা ক'লে নেকি ?

:: একো হোৱা নাই অ' মা । মই ইমান ডাঙৰ হ'লো নে মা ? আজি মোৰ জন্ম ঘৰখনত মোৰ বাবে অলপ ঠাই ন'হব !

:: কি কৈ আছা অ' মাজনী , কোনে কৈছে তোমাক এইবোৰ, এইখন তোমাৰে ঘৰ ।

:: মা ন'হলে কিয় মোক আনৰ কৰি দিব লৈছা ?

:: মাজনী এইয়া নিয়ম । তোমাক আমি ডাঙৰ কৰিছোঁ আৰু আমিনো কিমান দিন জীয়াই থাকিম , তোমাক যদি ভাল ঘৰ এখন চাই বিয়া দিব পাৰো আমি শান্তি পাম । ( Assamese Storyboard )

:: মই আকাশক ভালপাওঁ মা , মই আনৰ হ'ব নোৱাৰো । তুমি দেউতাক বুজাবা মা । 

:: মই জানো মাজনী , মই দেউতাক কৈছিলোঁ , দেউতাই তাক মাতিছে আৰু আমি সিহঁতৰ ঘৰৰ বিষয়ে একো নজনাকে কেনেকৈ তোমাক দিম কোৱা ? সিহঁতৰ ঘৰৰ মানুহৰ লগত কথা পাতিব লাগিব মাজনী । এইটো তোমাৰ জীৱনৰ সিদ্ধান্ত , চাই চিতি ল'ব লাগিব । 

:: মা , সি ৫ বছৰ পিছতহে আহিব বোলে । তেতিয়ালৈকে মই অপেক্ষা কৰিম মা ।

:: মাজনী পাগল নহ'বা , এতিয়া তোমাৰ বিয়া বয়স , ইমান দিন অপেক্ষা কৰিব নোৱাৰা । সি নাহিলে দেউতাই আনৰ লগত কথা পাতিব । তুমি তাক মাতা মাজনী । তুমি তাৰ লগতে সুখী হ'বা । মোৰ তাত আপত্তি নাই , কিন্তু ইমান দিন অপেক্ষা কৰিব নোৱাৰা ।

:: মা , মই কি কৰো ! দেউতাক কোৱা মা , আকাশ অবিহনে বৃষ্টিৰ কোনো ঠিকনা নাই মা ।

:: তুমি এতিয়া শুৱা মাজনী , মই দেউতাৰাৰ লগত আলোচনা কৰিম ।

          আকাশৰ বুকুৰ স্পন্দন শুনি শুই পৰা ছোৱালীজনী মাকৰ বুকুৰ মাজত সৰু ছোৱালীজনী হৈ শুই পৰিল । তাইক তেনেকৈ শুই থকা দেখি মাকৰ দুচকুৱেদি চকুলো বৈ আহিল । এজনীয়ে মাথোঁ ছোৱালী,,, কেনেকৈ বাৰু আনৰ কৰি দিব ! দিবটো লাগিবই । তাই যদি আকাশৰ হ'ব খোজে তাত মাকৰ কোনো আপত্তি নাই । দেউতাকক বুজাব  কিন্তু আৰু পাঁচবছৰ গাভৰু ছোৱালী এজনী জানো ৰাখিব পাৰি ! সেই সৰুতে মা পুতলা এটা আনি দিয়া বুলি এনেকৈয়ে তাই শুই পৰিছিল কান্দি কান্দি মাকৰ বুকুৰ মাজত । আজি তাই ডাঙৰ হ'ল সচাঁই,,,, নিজৰ ভালপোৱাজনক আনি দিবৰ বাবে কান্দিছে । আকাশে বাৰু কিয় পাঁচ বছৰ ৰবলৈ কৈছে ? সি বাৰু মাজনীক ভাল নাপায় নেকি ?দেউতাকক বাৰু এতিয়া কেনেকৈ বুজাব ? বৃষ্টিৰ মূৰত মৰমেৰে হাত বুলাই মাকও তাইৰ কাষতে শুই পৰিল ।

এই উপন্যাস খনৰ  বাকী কেইটা খণ্ড পঢ়ক এই লিংকত - https://www.smj24.in/2021/08/assamese-storyboard_22.html?m=1

(ধাৰাবাহিক খন প্ৰতিদিনে দিনৰ ঠিক ১ বজাত প্ৰকাশ পায়। সেয়ে  নিৰ্দিষ্ট সময়মতে পঢ়িবলৈ অনুগ্ৰহ কৰি গুগুলত চাৰ্ছ কৰিব - smj24.in )

 ( Assamese Storyboard )

     (আগলৈ)....

 ভাল লাগিলে share কৰিব ।।

ৰৈ যোৱা ভুলৰ বাবে ক্ষমা কৰিব ।।

✍ জ্ঞান জ্যোতি গগৈ (ধেমাজি)

( ৰৈ যোৱা ভুলৰ বাবে ক্ষমা কৰিব । )

ভাল লাগিলে Share কৰিব ।

গল্প বা উপন্যাস প্ৰেৰণ কৰিবলৈ আমাৰ মেইল আই দি আৰু ফেচবুক পেজৰ লিংক তলত উল্লেখ কৰা হল ।

আমাৰ ফেচবুক পেজৰ লিংক - www.SMJ24.facebook page

আমাৰ মেইল আই ডিৰ লিংক - smj24.in@gmail.com

আমাৰ ফেচবুক গ্ৰুপটো আপুনি পোনপটিয়াকৈ গল্প প্ৰকাশ কৰিব পাৰে।

আমাৰ গ্ৰুপৰ লিংক - SMJ24.facbookgroup