পুৰণি ফাইল কেইটামান হাতত লৈ মাধুৰীয়ে নিজৰ ৰূমলৈ খোজ দিলে , পশ্চিমৰ আকাশত ৰাঙলী বেলি ধীৰে ধীৰে মাৰ গৈছিল , দুৱাৰখন খুলি মাধুৰী ভিতৰলৈ সোমাই গল
( Assamese Storyboard )। কাপোৰ কেইটা সলাই অলপ ফ্ৰেচ হৈ চাহ একাপ কৰি বিচনাত বহি ফাইলকেইটা খুচৰিলে , প্ৰথম ফাইলটো খুলি লওঁতেই চকুত পৰিল এখন পুৰণি এফ. আই. আৰ. চাৰি পাঁচ বছৰ আগৰ কেচ , মাধুৰীয়ে এফ. আই. আৰ.খন সুকীয়াকৈ থলে , এখন এখনকৈ প্ৰতিখন এফ. আই. আৰ. পঢ়ি চালে , লাহে লাহে ঘোৰ আন্ধাৰত সমগ্ৰ পৃথিৱী বুৰ গল , পাছফালে বগৰিজোপাত ফেঁচাৰ কিৰিলী , পৰিবেশটো যেন অধিক জয়াল হৈ পৰিছে , বাৰাণ্ডাত কোনোবাই চেণ্ডেল পিন্ধি চিটিপ চিটিপ কৈ খোজ কঢ়াৰ শব্দ শুনি দুৱাৰখন খুলি মাধুৰী ওলাই গল , নাই কোনো নাই , পদূলিৰ গেটখনো বন্ধ হৈ আছে , পদূলিলৈকে এপাক চালে মাধুৰীয়ে , ঘটং কৰি শব্দ এটা কৰি দুৱাৰখন বন্ধ হৈ গল , মাধুৰীয়ে পাছলৈ ঘূৰি চালে , .......দুৱাৰখন কোনে বন্ধ কৰিলে ! কি আচৰিত ....., মাধুৰী মুখৰ আগেদি চি চি শব্দ কৰি বাদুলী এজনী উৰি গল , তাইৰ দেহৰ প্ৰতিডাল নোম শিয়ঁৰি উঠিল , বুকুত সাহস বান্ধি তাই দুৱাৰখন মেলি ভিতৰলৈ গল , বেদৰূমৰ ৱালত ডাঙৰ ডাঙৰ কৈ তেজেৰে লিখা আছে মৃণাল, আশীষ , ৰাজু আৰু বাবু ....., ভয়ত মাধুৰীৰ বুকুখন কপি উঠিল। মোবাইলৰ কেমেৰাটো অন কৰি সেই দৃশ্যবোৰৰ ফটো তুলিলে ,
............ ফটো ডিলিত কৰক মেডাম , নহলে আপোনাৰ বিপদ হব....,
: কোন ...? মোক ভয় খুৱাইছ ..! মই মিছ মাধুৰী , মোৰ অভিধানত ভয় বোলা শব্দটো নাই ,
: মেডাম মই মিতালি , আপোনাৰ ভালৰ বাবেই কৈছোঁ ফটোকেইখন ডিলিত কৰি দিয়ক......
: ok , কিন্তু ইহঁত কোন ...?
: ইহঁত পল্লৱৰ বন্ধু .....!
: স্থানিয় নে বাহিৰৰ এই লোক কেইজন ,
: সুন্দৰপুৰৰে , মেডাম ইয়াক মাতি দিওঁ নেকি...!
: অ'....! আকৌ কাক মাতিবি....
: আপুনিয়ে দেখুন কৈছিল ,
: অ'.... আই. চি....,
: ঐ......! আহ ঐ.... মেডামে তোৰ লগত কথা পাতিব বিচাৰিছে ,
বেডৰূমৰ খিৰিকীখনৰ হুকটো নিজে নিজেই খোল খাই গল , কেৰেক কৰি শব্দ এটা কৰি খিৰিকীখন মেল খাই গল , হু হু শব্দ এটা কৰি কিবা এটা ৰূমটোলৈ সোমায় আহিল .....কিয় মাতিছিল মোক...?
: তোমালোকৰ হত্যাকাণ্ডৰ কেচটো পোহৰলৈ আনিব বিচাৰিছোঁ , সেয়েহে কিছু তথ্য লাগে মোক , যাতে তোমালোকে ন্যায় পোৱা
: মোৰ নাম নৱ শইকীয়া , ঘৰ সুন্দৰপুৰ গাঁওৰ পৰা কিছু নিলগত , কোঁৱৰপুৰত ।
: বাকী মিতালিৰ লগত হোৱা ঘটনাটোৰ বিষয়ে কি জানা কোৱাচোন ,
: মেডাম সেইদিনা ছাৰৰ জন্মদিন আছিল , মিতালিয়ে ভাত ৰান্ধি আছিল ছাৰৰ সৈতে মৃণাল, আশীষ , ৰাজু আৰু বাবুৱে পাৰ্টি কৰি আছিল , মাংস দিবলৈ মিতালি ড্ৰয়িং ৰূমলৈ ওলাই আহিছিল , ছাৰে তাইৰ হাতখন থাপ মাৰি ধৰিছিল আৰু টানি নি ছাৰৰ কোলাত বহুৱাই লৈছিল , মিতালিয়ে বহু চেষ্টা কৰিছিল পলাবলৈ , হাতজোৰ কৰি সতীত্ব ভিক্ষা খুজিছিল , মিতালিৰ চকুপানীয়ে ছাৰৰ অন্তৰ নগলিল , হাতদুখন টেবুল কাপোৰখনে বান্ধি তাইৰ দুপাত্তাখনে মুখখন বান্ধি বিচনাত পেলাই দিলে , ইটোৰ পাছত সিটো মিতালিৰ গাৰ ওপৰত জঁপিয়াই পৰিল , মই এই সকলোবোৰ বাহিৰৰ পৰা খিৰিকীৰে চাই আছিলো , মোৰ মবাইলটো হঠাৎ বাজি উঠাত ছাৰ বাহিৰলৈ ওলাই আহিছিল , মই পলাবলৈ চেষ্টা কৰিছিলো কিন্তু ছাৰে মোৰ ভৰিত গুলিয়াই দিলে , মই মাটিত ঢলি পৰিছিলো , চোঁচৰাই চোঁচৰাই মোক ভিতৰলৈ লৈ গৈছিল , তাৰ পাছত মোৰ কপালত এজাই গুলী মাৰিছিল ,
: অহ: মই গড .....! তাৰপাছত
: তাৰপাছত মিতালিক গুলি কৰিছিল আৰু দুয়োটাকে চোঁচৰাই নি বগৰিজোপাৰ তলত পুতি থৈছিল ,
: প্ৰমাণ নহলে দোষীক শাস্তি দিবলৈ বৰ কঠিন ,
: প্ৰমাণ আছিল মই সকলো ঘটনা মোবাইলত ৰেকৰ্ডিং কৰিছিলোঁ , আপুনি যদি ভালকৈ বিচাৰে তেন্তে সেই গাঁতটোতেই প্ৰমাণ পাব ....,
কথাবোৰ কৈ দুয়োটা ছায়ামূৰ্তি অদৃশ্য হৈ গৈছিল , মাধুৰীয়ে পলম নকৰি ততাতৈয়াকৈ কনিষ্টবলজনলৈ ফোন কৰিলে .....
: হেল্ল...! কত আছা তুমি ..
: হেল্ল' মেডাম , মই ঘৰতে আছোঁ , কিবা অসুবিধা হৈছে নেকি ....!
: তুমি ইমিডিয়েট আহাচোন ....,
: ঠিক আছে মেডাম , মই গৈ আছোঁ ।
আধা ঘন্টামান পাছত কনিষ্টবলজন আহি উপস্থিত হলহি , খৰখেদাকৈ মাধুৰীয়ে টৰ্চটো হাতত লৈ আকৌ বগৰিজোপাৰ তল পালেগৈ গাঁতটো খান্দি কুকুৰাৰ দৰে খুচৰি খুচৰি মাটিখিনিত দুয়ো মবাইলটো বিচাৰিবলৈ লাগিল , মাধুৰীয়ে কিবা এটা বিচাৰি পালে , কনিষ্টবলজনে কোৰখনে মাটিখিনি খান্দি পাৰলৈ তুলি আনিলে , জাৰি জোকাৰি মাটিখিনি গুচাই মোবাইলটো উলিয়াই আনিলে , .......মিছন মিতালি success , এইবাৰ এটা দোষীকো এৰি দিয়া নহব , মেম'ৰিখন ঠিকেই আছে নে এবাৰ চোৱাচোন......
: দেখাত ঠিকেই আছে মেডাম ...., এইখন লওঁক...., কনিষ্টবলজনে মাধুৰীলৈ মেম'ৰিখন আগবঢ়াই দিলে ,
: Thank You So Much.... মোক এইকন সহায় কৰি দিয়াৰ বাবে , তুমি ভৰি হাত কেইটা ধুই লোৱা , মই চাহ কৰোগৈ.....
........ক্ৰমশঃ
No comments:
Post a Comment