ৰাতি সকলো মানুহ টোপনিত | মাত্র বাহিৰত নিশাচৰ চৰাইৰ ভয়ংকৰ বিননি | ৰাজপথত কুকুৰৰ ভুক ভুকনি | বিচনা খনত অকলশৰে পৰি আছে তাই | ইকাতি সিকাতি কৰি আছে | কিন্তু চকুত টোপনিৰ ভাৱ নাই |( Assamese Storyboard )
মাজে মাজে উৰুঙা বুকুখনত গাৰুটো হেচি ধৰিছে | খালি খালি লাগি থকা হৃদয় খন আৰু চাগে কাহানিওঁ নহয় পূৰণ | ৰিঙা ৰিঙা মনটোক তাই বুজাই কেনেকে | আজিটো নহয় , আজি বিয়াৰ পাচবছৰ হ'ল | কিন্তু সলনি নহ'ল প্রতিম | সি একে থাকিলে ! টকা - পইচাঁ ই সৰ্বস্ব নহয় | হয়টো প্রতিজনী নাৰীৰ জীৱনতে প্রয়োজন পুৰুষ জনৰ মৰম , ভালপোৱাঁ |
ৰংপুৰৰ চঞ্চলা গাভৰু ৰিংকি | ঘৰ খনৰ দুজনী ছোৱালীৰ ভিতৰত তাই সৰুজনী | দিনহাজিৰা কৰা দেউতাকৰ বুকুৰ সপোন | মৰম লগা ৰিংকি | সময়ৰ গতিত তাই ও গাভৰু হৈছিল | ডেকা ল'ৰাৰ সপোনৰ পখিলিজনী হৈছিল |বহুত ডেকা ল'ৰাই পাব বিচাৰিছিল মনে প্রানে তাইক | তাই সদায় কলেজলৈ খোজকাঢ়ি অহা যোৱা কৰিছিল | দেউতাকে তাইক এখন চাইকেল ক্ৰয় কৰি দিয়াৰ ও সামৰ্থ নাছিল | আৰু তাক লৈ তাইৰ দুখ ও নাছিলে |
সেই দিনা ও তাই বহীটো বুকুত সাৱতি কলেজলৈ আহি আছিল | দীঘলকৈ ছুলি খিনি তাইৰ ককালৰ লগত নৃত্য কৰি আহিছিল | খোজৰ ভাজত তাইৰ লাহি লাহি ককালে লয়লাস নৃত্য কৰিছিল | সদায় থকাৰ দৰে তিনিআলিৰ চেন্টাৰত সেই দিনাওঁ ডেকা ল'ৰা কেইটা মানে আদ্দা মাৰি আছিলে | তাই তলমূৰ কৰি তিনিআলি টো পাৰ হব চেষ্টা কৰিছিল | তেনেতে তাইৰ কানত কেইটা মান শব্দ পৰিছিল |
- ঐ যা যা মনৰ কথাটো কৈ দে |
- নহ'লে চাবি আকৌ বেলেগে ৰিজাৰ্ভ কৰি দিব |
তাই কথা খিনি নুশুনা ভাওঁ ধৰি খৰ খোজেৰে পলাৱ চেষ্টা কৰিছিল | তেনেতে তাইৰ সন্মুখত আহি ৰৈ দিলে এখন বাইক | তাইৰ খোজ স্তব্ধ হৈ গৈছিল | কেৰাহিকৈ ল'ৰাজনৰ ফালে চাইছিল | অ সেইজন অইন কোনো নহয় মইনাপুৰৰ ৰণ |
- তোমাক কথা এটা কব বিচাৰিছিলো !
সি তাইক কৈছিলে | তাই ভয়,লাজ ৰ সংমিশ্রনত কৈছিলে |
- হয় কওঁক |
- মোৰ তোমাক ভাল লাগে !
তাইৰ বুকুখনৰ ধপধপনি বাঢ়িছিল | জীৱনত এনে পৰি স্থিতিৰ প্রথম মুখা মুখি হৈছে | কি কব বাৰু তাই |
- একো নকলা যে !
- কি কম নো !
- কোৱা তোমাৰ মোক কেনে লাগে !
নাই তাই আৰু নোৱাৰিলে | তাই এটা মিচিকিয়া হাঁহি মাৰি আতৰি আহিলে |
সি দূৰৰ পৰা চিঞৰি ক'লে
- অ হেল্ল' তোমাৰ উত্তৰৰ বাবে মই ৰৈ থাকিম |
সি গ'লগৈ আৰু তাই ও কলেজলৈ গ'ল |
আজি দেখোন কিতাপৰ ওপৰত ৰণৰ ছবি খনে ভাহি থাকিলে | ল'ৰা জন বেয়া নহয় যেন লাগিছে,তাইৰ ও অকলশৰীয়া জীৱনত কাৰোবাৰ খুৱে প্রয়োজন | জীৱনত এয়া প্রথম প্রেম হব তাইৰ | খুৱ লাজ ও লাগিছে | কাইলৈ তাক কি কব বাৰু তাই !
- আই লাভ ইউ !
নাই নাই আই লাভ ইউ কিয় কব | সিটো তাইক ভাল লগা বুলি কৈছে | তেন্তে কি কব নো !
না কব - মোৰো আপোনাক ভাল লাগে
কথা মতে কাম | তাই আজি কলেজলৈ ওলাই আহোতে বাৰে বাৰে আইনাত মুখনি চাইছে| আজি নিশ্চয় সি ৰৈ থাকিৱ | তাই ওলাই আহিছিল ,,,,,,,,,,,,,,,,,,
তিনিআলি পাই তাই সদায় ৰণ হতে আদ্দা মৰা দোকান খনলৈ চালে ! তাইৰ বুকুখন ধপং কৈ মাৰিলে ! অ সি আছে | আজি তাইৰ লাজ বেছিকে লাগিছে | তাই মুখ খন দুপাট্রা খনৰে ধাকি লৈ বেগা বেগিকৈ খোজ দিলে | তাই তেনেতে শুনিলে পাছফালে গাড়ীৰ হৰ্ণ | তাইৰ আৰু বুজিৱৰ বাকি নাই সেয়া ৰণৰ বাহিৰে আৰু অইন কোনো নহয় |
- অ হেল্ল' কি হ'ল ! উত্তৰ নিদিয়া |
কি কম ! বাৰু চেহঃ লাজে লাগিছে |
- কোৱা আকৌ ,নহ'লে মই মৰি যাম |
- হেই ! নাই নাই মৰি নাযাবা | মোৰ ও তোমাক ভাল লাগে |
কথা খিনি কৈ তাই দৌৰিছিল |
- অ হেল্ল' এবাৰ উভতি চোৱা না |
তাৰ কথা খিনি শুনি তাই মুখৰ পৰা এটা খিলখিলিয়া হাঁহি ওলাই আহিছিল |
- এবাৰ চোৱা না !
তাৰ কথাষাৰ আকৌ তাইৰ কানত পৰিলে | এইবাৰ তাই তাৰ ফালে ৰৈ চালে | হাঁহি হাঁহি তাক ক'লে
- দেখিলানে !
- উম ! তুমি বহুত ধুনীয়া |
তাৰ কথাষাৰ শুনি তাইৰ আকৌ মিছিকিয়া হাঁহিটি ওলাই আহিছিল |
- তুমি হাঁহিলে মুখত দিম্পল পৰে|
- মই যাওঁ ক্লাছলৈ দেৰি হব |
তাই কলেজলৈ খোজ দিলে |
- অ হেল্ল' কাইলৈ আকৌ লগ পাম |
তাই আজি বহুত সুখী ,জীৱনত প্রথম প্রেমৰ অনুভৱ |
এনেকে চলি থাকিলে ৰিংকি আৰু ৰণৰ প্রেম | কেতিয়াবা যদি নৌৰ ঘাটত ,কেতিয়াবা আকৌ ৰাজপথ্ত | দুয়ো দুয়োৰে প্রেমত মতলীয়া |বিচাৰি ফুৰিছে ইজনে সিজনীৰ হিয়াৰ ঠিকনা | ৰিংকিৰ কলেজীয়া জীৱন শেষ হ'ল |
নৈৰ ঘাটত দুয়ো বহি আছিলে | তাৰ কান্ধত তাই মূৰটো থৈছিলে |
- ৰিংকি
- উম কোৱা
- মই কথা এটা কব লাগিছিল |
- কি কোৱা |
- খং নকৰো কোৱা !
- নকৰো কোৱা
- তোমাক,,,,,,,,,
- মোক !
- তোমাক আমাৰ ঘৰৰ মানুহে গ্রহন নকৰে !
- কি !
- আমাৰ মা - দেউতা সদায় ধন সম্পত্তি ৰ মাজতে অন্ধ হৈ থাকিলে | এজনী দুখীয়া ঘৰৰ ছোৱালী ক বোৱাৰী কৰি আনিব নিবিচাৰে | মই কি কৰো কোৱা |
তাই আৰু ৰব নোৱাৰিলে ! তাই তাক দুহাটৰ সৰ্ব শক্তি প্রয়োগ কৰি ঠেলি উঠি আহিলে | তাই আৰু ৰৈ নাথাকিলে , লাহে লাহে তাই ঘৰ অভিমুখে ৰাওঁনা হ'ল |
- ৰিংকি শুনাছোন ,ৰিংকি
তাই মাত নামাতিলে
সি তাইৰ হাত খনত খামোছি ধৰিলে |
- ৰিংকি শুনাছোন
- এৰি দিয়া
- ৰিংকি
- মই কৈছো এৰি দিয়া
- ৰিংকি ৰবা মই বাইকত থৈ আহিম |
- নালাগে,ভগবানে দিয়া ভৰি দুখন আছে ন ! আমি যেতিয়া দুখীয়া মানুহ গতিকে ধনী মানুহৰ বাইকত উঠি তোমালোকৰ মানদণ্ড হ্রাস নকৰো |
তাই ভগ্ন হৃদয় খন লৈ ঘৰলৈ খোজ দিলে | জীৱনত প্রথম প্রতাৰিত হ'ল আজি তাই | চিঞঁৰি চিঞঁৰি কান্দিবৰ মন গৈছিল তাইৰ | কিন্তু নোৱাৰে মাক দেউতাকৰ মুখলৈ চাই নিজক শেষ কৰিব ও নোৱাৰে | তাই জীয়াই থাকিব | ৰণ হতৰ দৰে প্রতাৰক বোৰক তাই এদিন প্রত্যুত্তৰ দিব চেষ্টা কৰিব | তাই কিছু সময় পাছত গৈ ঘৰ পালে | চিধাই নিজৰ ৰুমত সোমাই মনে মনে কান্দিলে | দুখীয়া হোৱাটো কি পাপ নেকি | এয়া দুৰ্ভাগ্য |( Assamese Storyboard )
- মাজনী
মাকৰ মাত শুনাৰ লগে লগে তাই চকুপানী খিনি মছি ল'লে |
- অ মা
- মামাই খৱৰ দিছে ! কাইলৈ তোক চাৱলৈ গুৱাহাটীৰ পৰা ল'ৰা এজন আহিৱ |
- হব মা |
কথা খিনি কৈ মাক আতৰি গ'ল | তাই মাক - দেউতাকৰ কথা মতে কাইলৈ সাজু হ'ল |বিচনাৰ পৰা উঠিয়ে তাই কিতাপৰ মাজত সযতনে ৰাখি থোৱা ৰণৰ ফটো কপি দুহাটেৰে ফালি পেলালে | আৰু হুকহুকাই কান্দিলে | সকলো তাই নিৰৱে সহ্য কৰি যাৱ |
পিছদিনা খন সিহতৰ ঘৰত গুৱাহাটীৰ সম্ভ্রান্ত ঘৰৰ ৰঞ্জিত দত্তৰ একমাত্র ল'ৰা প্রতিম আহিছিল তাইক চাৱলৈ | তাইৰ ৰূপ তাইৰ যৌৱন দেখি প্রতিমে সন্মতি দিলে বিয়াৰ |
সিহতৰ বিয়াৰ আয়োজন চলিলে | আৰু দুয়োখন ঘৰৰ মাজত বিয়াৰ প্রাকমূহুৰ্ত্তত এক সুন্দৰ সম্পৰ্ক গঢ়ি উঠিলে | অহা মংগল বাৰে প্রতিমৰ জন্মদিন | সি তাইক সিহতৰ ঘৰলৈ নিবলৈ আহিব | গতিকে আজি তাই তিনিআলিলৈ এপাক ওলাই গ'ল প্রতিমলৈ জন্মদিনৰ উপহাৰ কিনিবলৈ |
তাই গৈ তিনি আলি পাইছিল | কিন্তু ৰমেন কাইটিৰ দোকানৰ সন্মুখত ৰণক দেখি তাইৰ হিয়াখন ভাগি গৈছিল | তাই সিদ্ধান্ত ল'লে ! তাই উপহাৰ ক্ৰয় নকৰে তাই ঘৰলৈ উভতি আহিলে | তেনেতে বাটত আগছি ধৰিলে ৰণে -
- ৰিংকি ইমান বেয়া পোৱা হ'লা নে মোক !
- মোক আমনি নকৰিলে ভাল পাম |
- নকৰো,আজিকালি মই মদ খাওঁ
- তুমি কাপুৰুষ আছিলা
- অ মই কাপুৰুষ | মই ঘৰৰ লগত প্রতিবাদ কৰিব নোৱাৰিলো |
- মোক আৰু অনাগত দিনত আমনি নকৰিলে ভাল পাম | কাৰন মোৰ বিয়া ঠিক হৈছে | আহো,,,,,,
- ৰিংকি
ৰণৰ আজি হিয়াখন ভাগি টুকুৰা হ'ল |কিয় আজি কষ্ট পাইছে বহুত |
তাই ঘৰলৈ গ'ল গৈ | তাই লাহে লাহে ৰণক পাহৰিব চেষ্টা কৰিছিল | তাইৰ জেদী মনটোৰ জেদ বাঢ়ি গৈছিল |
প্রতিমে আজি আহি ৰিংকিক লৈ গ'ল | তাইৰ মৰমৰ নীলা ৰঙৰ চুৰিদাৰ জোৰত তাইক বহুত মৰম লাগিছিল |প্রতিমৰ লগত কৈ থাকোতে ৰণে তাইক খিৰিকিৰে দেখিলে | আৰু সি লগে লগে তাইৰ পাছ ল'লে | তাইৰ গাটো খন কপিব ধৰিছিল কিয় সি আজি আৰু একো অঘটন নঘটায়টো |সি যদি মোক বিয়াই নাপাতে তেন্তে সি কিয় তাইৰ পিছ লৈছে | এটা সময়ত সি তাইক হাত জোকাৰি বিদায় দিছিলে | উফ ৰক্ষা !
তাই আজি শহুৰৰ ঘৰত আহিছে | এখন নতুন ঘৰত সোমাই প্রথমতে যদিওঁ লাজ লাগিছিল পিছত সকলো সহজ হৈ পৰিলে | ৰাতি জন্মদিনৰ পাৰ্টি শেষ হ'ল | আৰু সেই নিশা ৰিংকিক এজনী ধুনীয়া তিৰোতাৰ লগত শুৱ দিলে |
তাই আৰু তিৰোতা জনী বিচনাত পৰিছিলে | লাহে লাহে তিৰোতাজনীয়ে এটা দুটা কথা আৰম্ভ কৰিলে |
- তুমি এইখন ঘৰত মোৰ সম্পৰ্ক কি জানা নে ?
- জানো প্রতিমে মোক কৈছে আপুনি তাৰ বান্ধৱী |
- উম ঠিকেই , মই তোমাক দুটা মান কথা কব পাৰো !
- উম নিশ্চয় পাৰে ,,,,,,,
- শুনা তেন্তে
প্রতিম আৰু সম্পৰ্ক অকল বান্ধৱী নহয় এয়া আমাৰ ভালপোৱাঁ |
তাইৰ বুকু খন কপিছিলে | এইবোৰ কি শুনিছে তাই | মানুহ জনী পাগলী নেকি !
- মই বিবাহিতা ,মোৰ সন্তান আছে ,মোৰ স্বামী আছে | কিন্তু মই স্বামীৰ লগত সুখী নহয় | মই প্রতিমৰ লগত সুখী | কিন্তু মই তাৰ ওচৰত সদায়ৰ কাৰনে আহিব নোৱাৰো | আমাৰ সম্পৰ্ক এনেকে চলি থাকিব | তাক এৰি মই জীয়াই থাকিৱ ও নোৱাৰো | সেই কাৰনে মই সিহতৰ লগত ঘৰুৱা সম্পৰ্ক ৰাখিছো ,,,,,,,,,,,,,,
নাই নাই তাই আৰু শুনিৱ নোৱাৰে ,তাই দৌৰি বাথৰুমত সোমালে | আৰু লাইটো জ্বলাই দিলে | উচুপি উচুপি কান্দিলে তাই | তাই সঁচাই অভাগিনী | কিয় মানুহ বোৰে তাইৰ লগতে এনে কৰিলে |কেনেকে মানি লব তাই বিয়াৰ পাছত প্রতিমক স্বামী বুলি | সেইজন তাইৰ স্বামী হব পাৰিব নে !
এটা বিষাদে গৰকা ৰাতিৰ পাছত প্রতিমে আহি তাইক থৈ গ'ল তাইৰ ঘৰ খনত |
- মাজনী
- অ দেউতা !
- শহুৰৰ ঘৰ খন কেনে পালি
- ভালে দেউতা |
- প্রতিম ল'ৰাজন কেনে
- ব--হু---ত ভাল
- মাজনী তোৰ সুখে আমাৰ সুখ |
বহুত কষ্টত তাই দেউতাকক উত্তৰ বোৰ দিলে | তাই এই বিয়া ভাগিব পাৰিলে হৈ ! কিন্তু এতিয়া নোৱাৰে কাৰন তাই বিয়াৰ আগতে সিহতৰ ঘৰৰ পৰা আহিলে,গাওঁৰ মানুহে বদনাম দিব | গতিকে তাই আৰু অভাগিনী হৈ ৰৈ থাকিব নোৱাৰে | তাই ভাগ্যক ধিয়াই এদিন প্রতিমৰ লগত বিয়াত বহিলে |
কিন্তু সংসাৰ সুখৰ নহ'ল | তাই মাত্র এটা কাঠৰ পুতলা হৈ থাকিলে | সুখী মানুহ জনীৰ অভিনয় কৰি গ'ল | তাইৰ অকমাত্র সন্তানটো বুকুত সাৱতি | প্রতিমে তাইৰ কোনো কথা নামানে বেছি ক'লে কাজিয়া কৰে | সি সদায় সেই মহিলাজনীৰ লগতে সম্পৰ্ক চলাই গ'ল | আৰু তাই চিৰদিন হৈ থাকিব লাগিব এজনী অভাগিনী নাৰী |||
আগলৈ……
এই উপন্যাস খনৰ বাকী কেইটা খণ্ড আৰু আন বহু গল্প/উপন্যাস পঢ়ক এই লিংকত - www.গল্প/উপন্যাস.com
( Assamese Storyboard )
আমাৰ ফেচবুক গ্ৰুপটো আপুনি পোনপটিয়াকৈ গল্প প্ৰকাশ কৰিব পাৰে।
-
No comments:
Post a Comment