থেকেৰাই ৰোগ প্ৰতিৰোধ ক্ষমতা বৃদ্ধি কৰে : Assamese Health Tips

অসমীয়া  জনজীৱনৰ লগত পৰিচিত  খাদ্য সম্ভাৰত   অতীজৰে পৰা  চলি অহা   থেকেৰা  এবিধ  অত্যাৱস্যকীয়   টেঙাফল ( Assamese Health Tips ) ।  

চৰ্দি হলে , পেটৰ গন্ডগোল  হলে   থেকেৰাৰ আঞ্জা খোৱাতো   প্ৰায়বোৰ  পৰিয়ালতে   দেখা যায় ।

আজিকালি  ইয়াৰ ব্যৱহাৰ কমি আহিব ধৰিছে বা  গছসমুহো  লুপ্ত হব ধৰিছে  যদিও   গ্ৰাম্যাঞ্চলত  বহুতে  ইয়াক  শুকাই  আতোমটোকাৰিকৈ  সাচি  থোৱা দেখা যায় ।

 থেকেৰা  কেবাজাতৰো  আছে । তাৰে ভিতৰত  অসমত  সচৰাচৰ দেখা পোৱা   জাতবোৰ হ'ল---

 বৰ থেকেৰা,  কুজী থেকেৰা,  কাউ থেকেৰা  আৰু ৰুপহী থেকেৰা  ।   

 থেকেৰা  খাবলৈ  অতিকে  টেঙা যদিও  পকিলে  কিছু  মিঠা হয় । বেচি টেঙাগুণৰ বাবে  বা বেচিদিন সাচি  ৰাখিবলৈ   সচৰাচৰ  সৰু সৰুকৈ  কাটি  ৰ'দত  ভালদৰে  শুকুৱাই   নিমখ  সানি  থোৱা হয় ।   এনেকৈ  সাচি থোৱা থেকেৰা  যিমানে পুৰণি   হয়   গুণাগুনো সিমানেই বাঢ়ে  ।

 ব্যৱহাৰ :----    ১। কেচা থেকেৰাৰ ব্যৱহাৰ সাধাৰনতে  কমকৈ কৰা হয়   ।   গৰুৰ ৰোগ প্ৰতিৰোধৰ বাবে   গৰু বিহুৰ দিনা   লাওবেঙেনা হালধি আদিৰ সৈতে  কেচা থেকেৰা কাটি   ডিঙিত  আৰি দিয়া  হয় । 

২। ওপৰত বৰ্ণোৱা   মতে  শুকান  থেকেৰা    মাছ ,মাছৰ কণী,দাইল ,  আলু   বা  চাউলৰ গুৰিৰে   সুস্বাদু  ব্যঞ্জন  বনোৱা হয় ।      

৩।  পানীত আন্ডাজমতে পকা  বা শুকান থেকেৰা তিয়াই  থৈ   চৰৱত  বনাই  খাব পাৰে  ।

গুণাগুণ :----

১।   পেটৰ  অসুখ,অভোক,বদহজম , অজীৰ্ন , পুৰণি  সঞ্চিত গ্ৰহণী    আদি ৰোগত    থেকেৰাৰ  আঞ্জা বা  চৰৱত অতিকে উপকাৰী  ( Assamese Health Tips )

২। আমাশয়   আৰু   তেজ হাগনি  ৰোগত    থেকেৰা  তিয়াই থোৱা  পানী  কম কমকৈ   দুই তিনিবাৰ খালে উপসম হয় ।

৩।  চৰ্দি বা শ্ৱাসজনীত ৰোগত  থেকেৰা উপকাৰি ।

৪।  থেকেৰা  মাজে মাজে  খাই থাকিলে শৰীৰৰ মেদবহুলতা দুৰ হয় ।

      

 ৫। থেকেৰাই গাৰ ছালৰ  সৌন্দৰ্য্য  বঢ়ায়  ।

 

 ৬।  থেকেৰাত  থকা গুণকাৰি  পৌষ্টিক তত্ত্ব সমুহৰ বাবে     দেহৰ  ৰোগ প্ৰতিৰোধ  ক্ষমতা বৃদ্ধি কৰে ।

৭। পেটৰ পৰাই  প্ৰায়বোৰ  ৰোগৰ  উৎপত্তি হয় । সেয়ে  মাহে পষেকে থেকেৰা   খাই থাকিলে  পেটৰ লগতে  দেহ সুস্ত্য থাকে ।

শেষত দুআষাৰ :--

  সদায় বা বেচি মাত্ৰাত  কেতিয়াও  নাখাব ।  

অইন কোনো জটিল ৰোগত চিকিত্সকৰ পৰামৰ্শ নোলোৱাকৈ নাখাব । বাৰীত  সুবিধা হলে   এজোপা  নিশ্চয়  ৰুব । আপোনাৰ সুস্বাস্থ্য   কামনাৰে 

                 শ্ৰীযতীন দাস /মালয়বাৰী

                    কামৰূপ ম (অসম)

বিঃদ্ৰঃ Social Media Journalism ফেচবুক গ্ৰুপৰ এগৰাকী সন্মানীয় সদস্য কমল লোচন পাঠকৰ দ্বাৰা গ্ৰুপত প্ৰকাশিত ( Assamese Health Tips )।আপোনালোকেও যদি কোনো লেখা বা গল্প কবিতা,বা-বাতৰি ইত্যাদি আমাৰ ৱেবছাইটত প্ৰকাশ কৰিব বিছাৰে তেন্তে আপোনালোকৰ লেখা সমূহ আমাৰ ফেচবুক গ্ৰুপত প্ৰকাশ কৰিবলৈ নতুবা আমাৰ ফেচবুক পেজ/ SMJ24 ৰ মুখ্য পৰিচালন সঞ্চালক দিব্য জ্যোতি দত্তৰ ফেচবুক পেজৰ ইনবক্সত প্ৰেৰণ কৰিবলৈ আহ্বান জনালো।নিৰ্বাচিত লেখা সমূহ লেখকৰ নাম আৰু ছবি সহ আমাৰ ৱেবছাইটত প্ৰকাশ কৰা হব,ধন্যবাদ।

আমাৰ ফেচবুক গ্ৰুপৰ লিংক - SMJ24.facbookgroup

আমাৰ ফেচবুক পেজৰ লিংক - www.SMJ24.facebook page

দিব্য জ্যোতি দত্তৰ ফেচবুক পেজৰ লিংক - Dibya Jyoti Dutta/Fb page